Faranci: Fotde laamɓe 30 Eropnaaɓe e Afriknaaɓe ene e mooɓondiral to Pari Leydi Frans hannde 18/05/2021, ene tawtoraa laaɓe 21 Afriknaaɓe. Ngal mooɓondiral ko mbele heɓde ballal ngal eɓe mbaawa hisnirde ɓiɓɓe leyɗe maɓɓe e ñawu koronaa nguu, ene tawee hay so ñawu nguu bonnaani woŋkiiji keewɗi e nder Afrik, ngu bonnii dañe keewɗe, ngu dartinii golle yimɓe heewɓe, e hiisa ɓe kollii wi’de sii Afriknaaɓe mballaaka e ko arata ene waawi jibinnde caɗeele goɗɗe, ko e ɗum Afrik e Erop ene kaandi e fotde 16000 miliyaar dolaar mbele ndaɗa ɗeen caɗeele ɗe ñawu nguu addi e duuɓi garooji ɗii.
Mali: gilaa UNTM Mooɓondiral gollooɓe e genndi Mali ene jokki e murtere mum en yoppude golle, saabi mum gaay e nder Mali gollirɗe ɗe yimɓe ɓuri haajeede ɗee fuf hannde ndee mbaawa humtude haajuuji 10% ɓiɓɓe malinaaɓe.
Mali: En nanii ene ñuuñee wi’de Malinaaɓe ene ɗaminii heɓde Halfinteeɓe jaagorɗe (gouvernement) kiɓɓo ɗoo e 21 haa 22 Duujal hit 2021 ndee, e ɗaminaade wi’de e kaaldule les M5 maa jaɓ yanntude e laamu woode ngu hannde nguu.
Marok Espaañ: Fotde 6000 maroknaaɓe tacci keerol hakkunde mum en e Espaañ, tawi ko e wujjitaade, ene tawee ɓeen yimɓe 6000 fotde 2000 sukaaɓe ɓe njettaaki ɗannaade.
Laamu Espaañ ruttinii fotde 1500 e nder leydi marok.
Kuɗol MAB hannde 18 Duujal hit 2021.
BINDOL PULAAR
