Taariikayankeeɓe Faransi 14 yaltinii ciimtol yowitiigol e gollal Paris e waru-leñol waɗungo Rwanda e hitaande 1994. Ngol cimtol ngol kelle ujunere, wi’ii wonnde, Faransi waɗii ittere yiili walla ƴettaari pehe haɗaynooje ngon warngo, hay non si tawii ɓe jeyaaka e waɗuɓe fitinaaji ɗin. Heɗoɗen jantoore Ibrahiima Timmbi BAH.
Hari wano ngol ciimtol ɗoo yaltinaaka gilla waru-leñol Tutsi waɗi Rwanda. Ɓee taariikayankooɓe faransinaaɓe 14 hollii, wonnde, Fransi waɗii ittere yiili walla ƴettaari pehe haɗooje ngon warngo, haysi tawii ɓe jeyaaka e waɗuɓe ɗii fitinaaji wonɗi sabu warugol tutsiiɓe ujunaaje temeɗɗe jeetati.
E nden winndannde, ko François Mitterrand laaminooɗo Faransi fewdo ngon warngo, ɓuraa feleede. O jaɓaano heɗaade njertinooɓe fitinaaji ɗi leñol Utuu waɗi e hoore Tutsiiɓe.
Ko ka banŋe politik Faransi ɓuraa feleede. Paris ommbuno gite mum e ngenaari bonndi, doolanɗe e warngooji, ɗi Juvénal Habyarimana wonno e waɗude.
Ngol ciimtol waɗaangol e nder duuɓi ɗiɗi holli Kuuɗe Fransi ɗen e hitaande ujunere e temeɗɗe jeenay e cappanɗe yeenay e nay Rwanda ko ella.
Ka banŋe alaaji haɓirɗi Faransi wallitino laamu Juvénal Habyari-mana. Ɓe elti kadi konunkooɓe makko, Ko non holliri ngol ciimtol.
Lebbi ɗiɗi caggal ngon warngo, fedde leyɗe ndentuɗe ONI naɓuno konu Rwanda. Hay si ngun konu walluno ujune Tutsiiɓe, kono ngu wonno sabu utuɓe waɗuɓe warngooji yogaaɓe laawi.
Ngoo warungo leñol Tutsi ko e hitaande ujunere e teemeɗɗe jeenay e cappanɗe jeenay waɗi Rwanda.
Golle: RFI
