Idriis Debi Itno horeejo leydi Caad maayii beeta hannde e battane barmeeje ɗi o heɓi hanki nde o yahi to lappo hare murtuɓe Fact. O kabaru humpitaama caggal nde feññinaa ko kanko fooli njaltuɗi arandeeji woteeji horeeyaku leydi ndii, ngaɗuɗi ñannde sappo e go’o nduu lewru.
Idriis Debi Itno hooreejo leydi ndii maayii e dow reenude leydi Caad e ɓiɓɓe mayri. E kabaaruuji hollitaaɗi, Idriss Debi Itno ina tawanoo e konunkooɓe leydi wonnooɓe e haɓude murtuɗe FACT ngonnɗe e fuɗnaage laamorgo ngoo. Ton woni ka o barmi e asaweere ndee. Mahamat Kaka Debi Itno toɗɗaama lomto makko e dummuna happaaɗo. Keeri leydi ndii uddaama. Wakati jooni deƴƴeere ina tawee Njamena.
Holmo wonnoo Idriis Debi Itno?
Ko ñannde sappo e jeetati e lewru 6ɓuru e hitaande ujunere e teemeɗɗe jeenay e cappanɗe jowi e ɗiɗi, o jibinaa e wuro Berdoba.
E ɗiɗi lewru sappo ɗiɗaɓuru e hitaande ujuneere e teemeɗɗe jeenay e cappanɗe jeenay e dow ballal o samini laamu Hisseen Habre.
Ñannde nayi lewru nduu e nden hitaande o waɗaa hooreejo diiseteeɗo laamu . Nogay e jeeti lewru ɗiɗaɓuru hitaande jokkunde hen o waɗa horeejo leydi ndi. Idriss Debi Itno laamike Caad duuɓi canpanɗe tati.
E woteeji horeeyaku leydi ndi ngaɗi e sappo e go’o lewru ndu, njaltuɗi aranndeeji ɗi holliti kanko fooli.
E cappanɗe tati lewri gohoɓuru hitaande ujnaaji ɗiɗi e sappo e jeegon, o tottaama horeejo fedde dental leyɗe afrik.
Idriss Debi Itno mo duuɓi cappanɗe jeegon e jeeti, halfinaama horeejo walde G5 sahel e batu maɓɓe cakkitooɗo to laamorgo Caad.
E ley ngal kawrital hooreejo Caad neldii ujunere e teemeɗɗe ɗiɗi konukooɓe e kerol e leyɗeele tati sahel ɓurɗe fuu tampude e basi kuliyankooɓe.
Maayde makko ina wonanii leydi ndii sunaare.
